Бұзушылықтарды прокуратура және Бас прокуратураның Инвесторлардың құқықтарын қорғау комитеті жүргізген тексеру барысында анықтады.
Бір кәсіпкерге 466,5 млн теңге сомасында бұзушылықтарды жою туралы хабарлама жіберілді. Бұл ретте анықталған бұзушылықтардың нақты сомасы 28 млн теңгені құрады. Құжат прокурорлық қадағалау актісі бойынша күшін жойды.
Негізсіз хабарлама шығарған қызметкер Әкімшілік құқық бұзушылық туралы кодекстің 173-бабы бойынша 216 250 теңге айыппұл төледі.
Екінші салық органы қызметкері кәсіпорынның банктік шоттарынан шектеулерді уақытылы алып тастамағаны үшін жазаланды.