Қасымбек Сайлауов 1977 жылы Оңтүстік Қазақстан облысында дүниеге келген. Ол «Құқықтану» және «Мемлекеттік басқару» мамандықтары бойынша жоғары білім алған.
Сайлауов еңбек жолын 2000 жылы Оңтүстік Қазақстан облысының «Жылжымайтын мүлік орталығы» РМК-ның заңгері болып бастаған. Кейін учаскелік полиция инспекторы, Шымкент қаласының жер комитетінің заңгері, қалалық жер қатынастары бөлімінің бас маманы және басшысының орынбасары қызметтерін атқарған.
2010–2011 жылдары Жамбыл, Қызылорда және Оңтүстік Қазақстан облыстары бойынша аймақаралық жер инспекциясының мемлекеттік бақылау және жер қорғау бөлімін басқарған. Кейінгі жылдары Шымкент қаласының жер қатынастары бөлімінің басшысының орынбасары және басшысы, сондай-ақ қала әкімінің кеңесшісі қызметтерін атқарған.
2020 жылы Шымкент қаласының қала құрылысын бақылау басқармасы басшысының орынбасары және жұмыспен қамту және әлеуметтік қорғау басқармасының басшысы болып жұмыс істеген. 2023 жылдан 2025 жылға дейін «NURDAUA» ЖШС-де еңбек етіп, «Түркістан» әлеуметтік-кәсіпкерлік корпорациясы» АҚ-ның құрылыс және активтерді басқару жөніндегі басқарушы директоры қызметін атқарған.
2025 жылдың ақпан айынан бастап Сайлауов ҚР Еңбек және халықты әлеуметтік қорғау министрлігі Мемлекеттік еңбек инспекциясы комитетінің Алматы қаласы бойынша департаменті басшысының орынбасары болған. Жаңа қызметіне 2026 жылғы 9 шілдеде кіріскен.