Н. Тлендиев даңғылының Баршын көшесінен көлік айрығына дейінгі учаскесіндегі жол жабынын жөндеу шілденің соңына дейін ұзартылды. Бұған дейін қозғалыс шектеуі 22-26 шілде аралығында болған.
Кептелістерден аулақ болу үшін жүргізушілерге учаскені балама маршруттармен айналып өту ұсынылады. Көлік айрығынан оңға бұрылып, айналма жолмен Ақжол көшесіне немесе Алаш тас жолына жетуге болады. Екінші нұсқа — солға бұрылып, айналма жолмен Шерхан Мұртаза көшесіне бару.
Жұмыстар кезінде уақытша жол белгілері мен көрсеткіштер орнатылады. Ведомство жаяу жүргіншілер мен жүргізушілерден сапарларды жоспарлау кезінде өзгерістерді алдын ала ескеруді сұрайды.