Республикалық конкурс қорытындысы бойынша «Үздік стационар дәрігері» атағы Солтүстік Қазақстан облысынан Руслан Абетовке берілді.
Шұғыл көмек дәрігері Мөлдір Сәрсембек Алматыдан жеңімпаз атанды. Алғашқы медициналық-санитариялық көмек дәрігері Алматы облысынан Наталья Потеряйко деп танылды.
«Үздік ауыл дәрігері» номинациясында Ақмола облысынан Аманжол Нұрмұхаметов жеңіске жетті. Денсаулық сақтау саласындағы үздік әлеуметтік қызметкер Жамбыл облысынан Үйкекбай Арайлым деп аталды.
Мейіргерлік ісі мамандары арасындағы жеңімпаздар
Ақтөбе облысынан Мейрамгүл Базарбаева «Үздік акушер» атанды. Қостанай облысынан Жиханкуль Бакиева «Үздік стационар медбикесі» деп танылды.
Түркістан облысынан Нұрсәуле Оразалиева «Алғашқы медициналық-санитариялық көмек үздік медбикесі» номинациясында жеңіске жетті. Қызылорда облысынан Гүлжан Жүсіпбаева «Үздік ауыл медбикесі» атағын алды.
«Үздік фельдшер» атағы Ақмола облысынан Асем Лятаеваға берілді.
Білім, ғылым және басқа салалардағы наградалар
Марат Оспанов атындағы Батыс Қазақстан медицина университетінен Сәуле Бермағамбетова үздік медициналық ЖОО оқытушысы атанды. Батыс Қазақстан облысынан Лаура Гусманова «Үздік медициналық колледж оқытушысы» номинациясында жеңіске жетті.
Қарағанды медицина университетінен Ғаянэ Атажанова денсаулық сақтау саласындағы үздік ғалым деп танылды. Астанадан Нұрбол Тұрсынбаев үздік денсаулық сақтау менеджері атанды.
Санитариялық-эпидемиологиялық қызмет мамандары арасында Қарағанды облысынан Ләззат Секербаева мен Алматы облысынан Әлия Жансейітова награда алды. Елдің үздік провизоры Шымкенттен Айгүл Әділбекова деп аталды.
Қазақстан денсаулық сақтау жүйесінде 280 мыңнан астам медицина қызметкері жұмыс істейді. Мемлекет дәрігерлердің мәртебесін арттыру, білім мен ғылымды дамыту шараларын жүзеге асыруда.