Жолшылар зақымданған учаскеге битумды эмульсия мен қиыршық тасты жоғары қысыммен беретін арнайы қондырғыны пайдаланады. Материалдарды бермес бұрын шұңқырды сығылған ауамен тазартады, содан кейін қоспа барлық бос орындарды тығыз толтырады.
«ҚазАвтоЖол» ҰК» АҚ Шығыс Қазақстан облыстық филиалының директоры Нурбек Темирхановтың айтуынша, жаңа технология жөндеу уақытын қысқартады және көлік қозғалысына ең аз шектеулермен жұмыс істеуге мүмкіндік береді. Бұл әсіресе жол маусымы қарқынды кезеңде маңызды.
Өңірдегі республикалық трассаларға қызмет көрсетуді «Қажсервис» ЖШС ШҚО филиалы жүзеге асырады. Компанияның бас инженері Шынгыс Заитов жаңа әдіс жаңа материалдың бар жабынмен берік жабысуын қамтамасыз ететінін және жөнделген учаскенің қызмет ету мерзімін ұзартатынын атап өтті.
Технология алдын ала фрезерлеуді қажет етпейді, шығынды азайтады және технологиялық талаптар сақталған жағдайда шұңқырлардың қайта пайда болу қаупін төмендетеді. Жөндеу тезірек орындалады, трассаларда ұзақ кептелістер болмайды.